Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 74 Cic. Luc. 76 () >>Cic. Luc. 79

75Videorne tibi non ut Saturninus nominare modo inlustres homines, sed etiam imitari numquam nisi clarum nisi nobilem? atqui habebam molestos vobis sed minutos, Stilbonem [Note] Diodorum Alexinum, quorum sunt contorta et aculeata quaedam sophismata (sic enim appellantur fallaces conclusiunculae [Note]). Sed quid eos colligam, cum habeam Chrysippum, qui fulcire putatur porticum Stoicorum: [Note] quam multa ille contra sensus, quam multa contra omnia quae in consuetudine probantur. 'At [Note] dissolvit idem.' Mihi quidem non videtur, sed dissolverit sane: certe tam multa non collegisset [Note] quae nos fallerent probabilitate magna, nisi [Note] videret is resisti non facile posse. 76Quid Cyrenaei [Note] videntur, minime contempti

-- --

philosophi, qui negant esse quicquam quod percipi possit extrinsecus, ea se sola percipere quae tactu intumo sentiant, ut dolorem ut voluptatem; neque se quo quid colore [Note] aut quo sono [Note] sit scire, sed tantum [Note] sentire adfici [Note] se quodam modo.

Satis [Note] multa de auctoribus. quamquam ex me quaesieras, nonne putarem post illos veteres tot saeculis inveniri verum potuisse tot ingeniis tantisque studiis quaerentibus. quid [Note] inventum sit paulo post videro, te ipso quidem iudice. Arcesilan [Note] vero non obtrectandi causa cum Zenone pugnavisse sed verum invenire voluisse sic intellegitur. 77nemo umquam [Note] superiorum non modo expresserat sed ne dixerat quidem posse hominem nihil opinari, nec solum posse sed ita necesse esse sapienti. visa est Arcesilae cum vera sententia tum honesta et digna sapienti; quaesivit de Zenone fortasse quid futurum esset si nec percipere quicquam posset [Note] sapiens nec opinari sapientis esset. ille credo nihil opinaturum, [Note] quoniam esset quod percipi posset. quid ergo id esset. 'visum' credo. 'quale igitur visum?' [Note] tum ilum ita definisse: ex eo quod esset sicut esset inpressum et signatum et effictum. [Note] post requisitum etiamne si [Note] eius modi esset visum verum quale vel falsum. hic Zenonem vidisse acute nullum esse visum quod percipi posset, si id tale esset ab eo quod est cuius [Note] modi ab eo [Note] quod non est [Note] posset esse. recte consensit Arcesilas ad definitionem additum, neque enim falsum percipi posse neque verum si esset tale quale vel falsum; incubuit autem in eas disputationes ut doceret nullum

-- --

tale esse visum a vero ut non eiusdem modi etiam a falso possit [Note] esse.



Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 74 Cic. Luc. 76 () >>Cic. Luc. 79

Powered by PhiloLogic